నీట్ లాంగ్ టర్మ్ కోచింగ్ తీసుకుంటున్న విద్యార్థిని అదృశ్యం
దిశ, కూకట్పల్లి: కూకట్పల్లిలో నీట్ లాంగ్ టర్మ్ కోచింగ్ తీసుకుంటున్న విద్యార్థిని అదృశ్యం అయింది. సూరారంలో నివాసం ఉంటున్న సుబ్రమణ్యం కూతురు ప్రహర్షిణి(17) కూకట్పల్లిలోని అనాకడమి ఇనిస్టిట్యూట్లో నీట్ లాంగ్ టర్మ్ కోచింగ్ తీసుకుంటుంది. రోజు వారి మాదిరిగానే సుబ్రమణ్యం తన కూతురు ప్రహర్షిణిని శనివారం ఉదయం 9 గంటలకు ఇనిస్టిట్యూట్ వద్ద దింపి వెళ్లాడు. సాయంత్రం తిరిగి ఇంటికి తీసుకు వెళ్లేందుకు ఇనిస్టిట్యూట్ వద్దకు వెళ్లిన సుబ్రమణ్యంకు ప్రహర్షిణి కనిపించలేదు, ఇనిస్టిట్యూట్ వద్ద, ప్రహర్షిణి స్నేహితుల వద్ద వాకబు చేశాడు. బంధువుల వద్ద వెతికిన ఫలితం లేకపోవడంతో సుబ్రమణ్యం ఆదివారం కూకట్పల్లి పోలీసులకు ఫిర్యాదు చేశారు. సుబ్రమణ్యం ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు కూకట్పల్లి ఎస్సై ఇంద్రసేన తెలిపారు. విద్యార్థిని ఆచూకీ తెలిసినవారు 8712568369 నంబరుకు సమాచారం అందించాలని తెలిపారు.
