నీకోసం ప్రార్థిస్తాను.. సమంత ఆసక్తికర పోస్ట్ ఎవరి కోసమంటే?
దిశ, సినిమా: టాలీవుడ్ స్టార్ హీరోయిన్ సమంత గత కొద్ది కాలంగా మయోసైటీస్ కారణంగా రెస్ట్ తీసుకుంటోంది. అలాగే ఇటీవల ఓ హెల్త్ పాడ్ కాస్ట్ స్టార్ట్ చేసి ఆరోగ్యానికి సంబంధించిన విషయాలు తెలుపుతోంది. అలాగే పలు పోస్టులు పెడుతూ అభిమానులకు దగ్గరగా ఉంటుంది. అయితే సామ్ ఇటీవల సినిమాల్లోకి రీ ఎంట్రీ ఇస్తున్నట్లు ప్రకటించిన విషయం తెలిసిందే. ఈ క్రమంలోనే ‘మా ఇంటి బంగారం’ అనే పోస్టర్ రిలీజ్ చేసి అందరి సంతోషానికి కారణమైంది. కానీ ఆ తర్వాత నుంచి ఎలాంటి అప్డేట్, ప్రాజెక్ట్ వంటివి ప్రకటించలేదు. అయితే సమంత బుల్లితెర నటి హీనా ఖాన్‌పై ఆసక్తికర పోస్ట్ పెట్టింది. దానికి కారణం హీనా గత కొద్ది కాలంగా క్యాన్సర్‌తో బాధపడుతున్న విషయం తెలిసిందే.
ఇటీవల బ్రెస్ట్ క్యాన్సర్ వచ్చినట్లు అది 3వ దశలో ఉన్నట్లు సోషల్ మీడియా వేదికగా ప్రకటించింది. దీంతో అంతా హీనా ఆరోగ్యం మెరుగుపడాలని అంతా కోరుకుంటున్నారు. ఈ క్రమంలోనే సమంత కూడా పోస్ట్ పెట్టింది. ‘‘నువ్వు రియల్ వారియర్‌వి. నీకోసం ప్రార్థిస్తాను’’ అని రాసుకొచ్చింది. ఇక ఈ పోస్ట్ చూసిన హీనా ఖాన్ కూడా దీనిపై స్పందించింది. ‘‘ ఒకరిని గురించి తెలుసుకున్నాకే .. మరొకటి తెలుసుకోవడం జరుగుతుంది. మీరు నిజమైన స్టార్ అని నాకు తెలుసు. జీవితంలో ఎదురైన అడ్డంకులను అధ్బుతంగా ఎదుర్కొన్నారు. మీరంటే చాలా ఇష్టం’’ అని పోస్ట్ పెట్టింది. ప్రజెంట్ వీరిద్దరి పోస్టులు వైరల్ అవుతున్నాయి.
