ఫోక్ సింగర్‌పై అభిమానుల అతి ప్రేమ.. డబ్బులతో అలా చేస్తూ.. (వీడియో)

దిశ, సినిమా : అభిమానాన్ని చాటుకునేందుకు కొత్త మార్గాలు ఎంచుకోవడం సహజమే. కానీ అదే కొన్ని సార్లు హద్దులు దాటి ఆశ్చర్యపరుస్తుంది. ఇలాంటి వీడియో ఒకటి ఈ మధ్య సోషల్ మీడియాలో వైరల్ అయింది. గుజరాతీ ఫోక్ సింగర్ ఊర్వశీ రదాదియా పాటకు మెచ్చిన అభిమానులు.. తనపై డబ్బుల వర్షం కురిపించారు. ఓ ఈవెంట్‌లో సాంగ్ పాడుతున్న క్రమంలో ఈ సంఘటన చోటుచేసుకోగా.. బకెట్లు బకెట్లుగా డబ్బుల వర్షం కురిపించడం చూసి నెటిజన్లు ఆశ్చర్యపోతున్నారు. ఈ వీడియోను స్వయంగా తన ఇన్‌స్టాగ్రామ్‌లో హ్యాండిల్‌లో షేర్ చేసిన ఊర్వశి.. అభిమానుల ప్రేమకు ధన్యవాదాలు తెలిపింది. ‘ఇదేం పిచ్చిరా బాబు.. ఆ డబ్బును పేదలకు లేదా స్వచ్చంద సంస్థలకు ఇస్తే ఉపయోగపడుతుంది కదా’ అని అభిప్రాయపడుతున్నారు నెటిజన్లు.