Air India Jobs: ఎయిర్ ఇండియాలో జూనియర్ ఆఫీసర్ జాబ్స్.. అర్హత, జీతం తదితర వివరాలివే..!
దిశ, వెబ్‌డెస్క్: టాటా గ్రూప్(Tata Group)కు చెందిన ప్రముఖ విమానయాన సంస్థ ఎయిర్ ఇండియా(Air India) అనుబంధ సంస్థ ఎయిర్ పోర్ట్ సర్వీసెస్ లిమిటెడ్(ASL) వివిధ ఉద్యోగాలకు సంబంధించి నోటిఫికేషన్ విడుదల చేసింది. ఈ రిక్రూట్‌మెంట్ ద్వారా మొత్తం 13 పోస్టులను ఒప్పంద ప్రాతిపదికన భర్తీ చేయనున్నారు. విశాఖపట్నం(Visakhapatnam), విజయవాడ(Vijayawada)లోని విమానాశ్రయాలలో ఈ ఖాళీలు ఉన్నాయి. ఆసక్తి గల అభ్యర్థులు అధికారిక వెబ్‌సైట్ https://www.aiasl.in/ ద్వారా ఆన్‌లైన్(Online) విధానంలో దరఖాస్తు చేసుకోవాల్సి ఉంటుంది. ఈ నెల(నవంబర్) 11,12 న ఎన్టీఆర్ కాలేజ్ ఆఫ్ వెటర్నరీ సైన్స్, వియజయవాడ ఇంటర్నేషనల్ ఎయిర్ పోర్ట్ వద్ద ఇంటర్వ్యూలను నిర్వహిస్తారు.
పోస్టు పేరు, ఖాళీలు:
- జూనియర్ ఆఫీసర్-కస్టమర్ సర్వీస్ - 4
- ర్యాంప్ సర్వీస్ ఎగ్జిక్యూటివ్ - 1
- యూటిలిటీ ఏజెంట్ కమ్ ర్యాంప్ డ్రైవర్ - 8
విద్యార్హత:
పోస్టును బట్టి సంబంధిత విభాగంలో పది/ఐటీఐ/డిప్లొమా/డిగ్రీ, ఎంబీఏ ఉత్తీర్ణతతో పాటు.. పని చేసిన అనుభవం ఉండాలి. అలాగే హెవీ మోటార్ వెహికల్ డ్రైవింగ్ లైసెన్స్ కచ్చితంగా ఉండాలి.
వయోపరిమితి:
జూనియర్ ఆఫీసర్-కస్టమర్ సర్వీస్ పోస్టుకు 35 ఏళ్లు, మిగతా పోస్టులకు 28 ఏళ్లకు మించి ఉండకూడదు. ఓబీసీలకు 3 ఏళ్లు, ఎస్సీ, ఎస్టీలకు 5 ఏళ్లు, దివ్యాంగులకు 10 ఏళ్ల సడలింపు ఉంటుంది.
ఎంపిక ప్రక్రియ:
ఇంటర్వ్యూ, సర్టిఫికెట్ వెరిఫికేషన్ ఆధారంగా అభ్యర్థులను ఎంపిక చేస్తారు.
దరఖాస్తు ఫీజు :
జనరల్/ ఓబీసీ అభ్యర్థులకు రూ. 500, ఎస్సీ, ఎస్టీ, దివ్యాంగులకు ఫీజు నుంచి మినహాయింపు ఉంటుంది.
జీతం:
జూనియర్ ఆఫీసర్-కస్టమర్ సర్వీస్ పోస్టులకు ఎంపికైన అభ్యర్థులకు నెలకు రూ. 29,760, ర్యాంప్ సర్వీస్ ఎగ్జిక్యూటివ్ పోస్టులకు రూ. 24,960, యూటిలిటీ ఏజెంట్ కమ్ ర్యాంప్ డ్రైవర్ పోస్టులకు రూ. 21,270 వరకు జీతం ఉంటుంది.
