TG-TET:టెట్ అభ్యర్థులకు బిగ్ అలర్ట్.. నేడే లాస్ట్ డేట్
దిశ,వెబ్‌డెస్క్: తెలంగాణ ఉపాధ్యాయ అర్హత పరీక్ష(TG-TET) నోటీఫికేషన్ ఇటీవల రిలీజైన విషయం తెలిసిందే. ఈ పరీక్షకు సంబంధించి దరఖాస్తు ప్రక్రియ ఈనెల 7వ తేదీన ప్రారంభమై.. ఈ నెల 20వ తేదీన ముగిసింది. ఈక్రమంలో అభ్యర్థులు తమ అప్లికేషన్‌లో పొందుపరిచిన వివరాల్లో ఏవైనా తప్పులుంటే నవంబర్ 22వ తేదీ వరకు ఎడిట్ చేసుకునే అవకాశం కల్పించిన సంగతి తెలిసిందే. ఈ క్రమంలో టెట్ అభ్యర్థులకు దరఖాస్తులు ఎడిట్ చేసుకునే అవకాశం నేటితో ముగియనుంది. బుధవారమే దరఖాస్తు ప్రక్రియ ముగియగా తప్పులను సరిచేసుకోవడానికి ఈనెల 22 వరకు ఎడిట్ ఆప్షన్ కల్పించారు. ఇదిలా ఉంటే కొన్ని ప్రాంతాల్లో సర్వర్లు డౌన్ కావడంతో తాము అప్లై చేసుకోలేకపోయామని, దరఖాస్తు గడువు పెంచాలని కొంతమంది అభ్యర్థులు కోరుతున్నారు. పూర్తి వివరాల కోసం అధికారిక వెబ్‌సైట్‌ను https://tgtet2024.aptonline.in/tgtet/ సందర్శించండి.
