విశాఖ సెవెన్హిల్స్ ఆస్పత్రిలోని అడ్మిన్ బ్లాక్లో అగ్ని ప్రమాదం

దిశ, వెబ్‌డెస్క్: ఆంద్రప్రదేశ్ లోని విశాఖ సెవెన్హిల్స్ ఆస్పత్రిలో ఆదివారం మధ్యాహ్నం అగ్ని ప్రమాదం చోటు చేసుకుంది. ఐదో అంతస్తు అడ్మిన్ బ్లాక్లో ఒక్కసారిగా మంటలు చెలరేగాయి. దీంతో ఆస్పత్రిలో ఉన్న సిబ్బంది, ప్రజలు భయంతో పరుగులు తీశారు. ఈ సమాచారం అందుకున్న ఫైర్ సిబ్బంది హుటాహుటిన విశాఖ సెవెన్హిల్స్ ఆస్పత్రికి చేరుకుని మంటలను అదుపు చేసేందుకు ప్రయత్నిస్తున్నారు. అలాగే మంటలు ఇతర వార్డులకు అంటుకునే ప్రమాదం ఉండటంతో ఆస్పత్రిలో ఉన్న రోగులను సిబ్బంది బయటకు తరలిస్తున్నారు. కాగా ఈ ప్రమాదానికి గల కారణాలు తెలియాల్సి ఉంది.