బెజ్జికల్‌తో దారుణం.. కరెంట్ తీసేసి ఇంటిపై కత్తులతో దాడి

దిశ, హాలియా: నల్లగొండ జిల్లాలో దారుణ ఘటన చోటుచేసుకుంది. పాత కక్షల నేపథ్యంలో ఓ వ్యక్తిని దారుణంగా నరికి చంపారు. ఈ ఘటన జిల్లాలోని త్రిపురారం మండలం బెజ్జికల్ గ్రామంలో సోమవారం రాత్రి చోటుచేసుకుంది. పోలీసుల వివరాల ప్రకారం.. గ్రామంలో వినాయక నిమజ్జనం జరుగుతోంది. ఈ నేపథ్యంలో ఒక్కసారిగా కరెంట్ తీసేసి గ్రామానికి చెందిన దుబ్బపెళ్లి సంత్య అలియాస్ బొర్రయ్య(42) ఇంటిపై కొందరు గుర్తు తెలియని వ్యక్తులు కత్తులతో దాడి చేశారు. ఈ దాడిలో తీవ్ర గాయాలపాలైన సత్యం అక్కడికక్కడే మృతిచెందాడు. సమాచారం అందుకొని హుటాహుటిన ఘటనా స్థలానికి చేరుకున్న పోలీసులు పాత కక్షల నేపథ్యంలోనే సత్యాన్ని హత్య చేసినట్లు పోలీసులు ఎస్ఐ అజయ్ కుమార్ తెలిపారు. మృతునికి భార్య, కూతురు, కుమారుడు ఉన్నారు.