నా కెరీర్‌లో ఇలాంటి అనుభవం పొందలేదు.. 'సోనా' క్యారెక్టర్‌పై వాణి
దిశ, సినిమా : యంగ్ బ్యూటీ వాణీ కపూర్ 'షంషేరా'లో తన క్యారెక్టర్ గురించి ఓపెన్ అయింది. తాజాగా ఓ మీడియా సమావేశంలో పాల్గొన్న నటి.. ఇందులో డ్యాన్సర్ 'సోనా' పాత్రలో కనిపించనున్నట్లు తెలిపింది. అలాగే తన క్యారెక్టర్‌ను చాలా అందంగా, శక్తివంతమైన మహిళగా తీర్చిదిద్దారని.. ఒకపాత్ర చేస్తున్నప్పుడు ఇంతకుముందెన్నడూ ఇలాంటి ఆనందం దొరకలేదని చెప్పింది.
ఇక ఈ కొత్త ప్రపంచంలో దర్శకుడు సోనాను ఒక నిర్దిష్ట మార్గంలోనే ఊహించాడని, అతని దృష్టికి అనుగుణంగానే తాను పాత్రకు సరిపోయే అందాన్ని మెయింటెన్ చేయాల్సి వచ్చిందని వివరించింది. అందుకే ఇప్పుడు తనను తాను చూసుకుంటున్నప్పుడు ఎంతో రిఫ్రెష్‌గా కనిపిస్తున్నట్లు వెల్లడించిన నటి.. తనకు నిజజీవితంలోనూ సోనాలాగే ఆడంబరమైన, అందమైన, ధైర్యవంతురాలిగా కనిపించడం చాలా ఇష్టమని పేర్కొంది. చివరగా సోనాకు మనసులోని మాటను నిర్భయంగా చెప్పగిలిగే శక్తి, అందమైన హృదయం, మంచి ఆటిట్యూడ్ ఉందంటూ ఇండైరెక్ట్‌గా తనను తాను పొగిడేసుకుంది వాణి.
