20 ఏళ్ల తర్వాత ఆ దర్శకుడితో సూర్య.. 'అచలుడు' ఫస్ట్ లుక్

దిశ, సినిమా : కోలీవుడ్ స్టార్ హీరో సూర్య దాదాపు 20 ఏళ్ల తర్వాత ప్రముఖ దర్శకుడు బాలతో కలిసి పనిచేయబోతున్నాడు. ఇదిలా ఉంటే.. సోమవారం బాల పుట్టినరోజు సందర్భంగా '#Surya41' ఫస్ట్ లుక్ పోస్టర్‌, టైటిల్‌‌ రిలీజ్ చేశారు మేక‌ర్స్. ఈ సందర్భంగా 'మీతో మళ్లీ కలిసి పనిచేయడం చాలా బాగుంది! పుట్టినరోజు శుభాకాంక్షలు అన్నయ్య!' అంటూ ఫస్ట్ లుక్ పోస్టర్‌ షేర్ చేశాడు సూర్య.

ఇక ఈ సినిమాకు 'వణంగన్(తెలుగులో అచలుడు)' అనే టైటిల్ ఫిక్స్ చేయగా.. పోస్టర్‌లో సూర్య ఇంటెన్స్ లుక్ విపరీతంగా ఆకట్టుకుంది. ఇందులో సూర్య మ‌త్స్యకారునిగా కనిపించనుండగా.. యంగ్ హీరోయిన్ కృతి శెట్టి ఆయనకు జోడీగా నటిస్తోంది. ఆమెకు తమిళంలో ఇదే మొదటి సినిమా కావడం విశేషం.