Pooja Hegde: బుట్ట బొమ్మకు దక్కని ప్రాధాన్యం.. హర్ట్ అయిన మెగా ఫ్యాన్స్

దిశ, వెబ్ డెస్క్: బీస్ట్ ట్రైలర్‌తో ట్రోల్‌కు గురైన హీరోయిన్ పూజా హెగ్డే ఆచార్య ట్రైలర్‌తో మరోసారి నెటిజన్స్ చేత విమర్శలకు గురైంది. ఈ రెండింటిలో ఆమె పాత్ర చాలా తక్కువగా కనిపించడమే ఇందుకు కారణం. తాజాగా ఆచార్య ట్రైలర్‌లో చిరంజీవి, రామ్‌చరణ్‌లు మాస్ డైలాగ్స్ తో అదరగొట్టారు. కాగా పూజా హెగ్డే ఎలాంటి డైలాగ్స్ లేకుండా ట్రైలర్‌లో కేవలం రెండు షాట్‌లకే పరిమితమైంది. విలన్‌గా కనిపించిన సోనూసూద్ కూడా ట్రైలర్‌లో అదరగొట్టాడు.

ఇదిలా ఉంటే, కాజల్ అగర్వాల్ పాత్ర ట్రైలర్‌లో కొంచెం కూడా కనిపించకుండా పోయింది. బహుశా కాజల్ పాత్ర స్పెషల్‌గా ఉండబోతోంది.. అందుకే ఆమె కనిపించలేదనే టాక్ కూడా నడుస్తోంది. ఈ సినిమాలో చిరంజీవికి జోడీగా కాజల్, రామ్ చరణ్‌కి జోడీగా పూజా హెగ్డే నటిస్తున్నారు.

ఎన్టీఆర్, రామ్ చరణ్ ప్రధాన పాత్రలలో ఇటీవల విడుదలైన RRR లో కూడా, అలియా భట్ యొక్క స్క్రీన్ టైమ్ చాలా తక్కువగా ఉంది. ఇది కూడా అప్పట్లో సోషల్ మీడియాలో చర్చకు దారితీసింది. కాగా, ఆచార్య ఏప్రిల్ 29న విడుదలకు సిద్ధంగా ఉంది.