కేటీఆర్ కు కౌంటర్ ఇచ్చిన ప్రణవ్...
దిశ, హుజురాబాద్ రూరల్ : బీఆర్ఎస్ వర్కింగ్ ప్రెసిడెంట్ కేటీఆర్ కు హుజురాబాద్ కాంగ్రెస్ పార్టీ నియోజకవర్గ ఇంచార్జ్ ప్రణవ్ బాబు గట్టి కౌంటర్ ఇచ్చారు. రైతును రాజుగా చేయడమే తమ ప్రభుత్వ విధానమని, రైతులకు నమ్మకం కలిగించేలా మార్కెట్ కమిటీ పనిచేయాలని, కాంగ్రెస్ ప్రభుత్వం రైతుల ప్రభుత్వమని ప్రణవ్ బాబు అన్నారు.
సోమవారం హుజురాబాద్ మార్కెట్ కమిటీ ప్రమాణ స్వీకార కార్యక్రమంలో ప్రణవ్ మాట్లాడుతూ ఇటీవల కేటీఆర్ చేసిన ట్వీట్ పై స్పందించారు. తాను ప్రజల పక్షాన పోరాడే వ్యక్తినని సకాలంలో సీఎంఆర్ఏఫ్ చెక్కులు పంచకుండా రీల్స్ చేస్తూ టైంపాస్ చేసే ఎమ్మెల్యేకు పేద ప్రజల కష్టాలు ఏం తెలుసని అన్నారు. ఉపఎన్నిక సమయంలో ఇక్కడ పోటీ చేసి ఓడిపోయిన గెల్లు శ్రీనివాస్ యాదవ్ చేత చెక్కులను ఎలా పంపిణీ చేశారని ప్రశ్నించారు. తాను ఓడిన పేద ప్రజల పక్షాన ఉంటానని తెలిపారు. పార్టీ కోసం కష్టపడే ప్రతి ఒక్క కార్యకర్తకు తాను అండగా ఉంటానని తెలిపారు.
