ఆమెకు ఓవర్ కాన్ఫిడెన్స్ ఎక్కువైంది.. తగ్గించుకోమంటున్న ఫ్యాన్స్

దిశ, సినిమా : 'మహానటి' కీర్తి సురేష్ నెట్టింట విమర్శలపాలవుతోంది. ఇటీవలే వచ్చిన 'సర్కార్ వారి పాట' చిత్రంతో మరో హిట్ ఖాతాలో వేసుకున్న నటి.. ఓ స్టార్‌ డైరెక్టర్‌‌ డ్రీమ్ ప్రాజెక్టులో నటించేందుకు నో చెప్పినట్లు వార్తలు వినిపిస్తున్నాయి. విషయానికొస్తే.. మణిరత్నం దర్శకత్వంలో తెరకెక్కుతున్న ప్రెస్టీజియస్ ప్రాజెక్ట్ 'పొన్నియన్‌ సెల్వన్‌'లో ఐశ్వర్యరాయ్, త్రిష‌తో పాటు కీర్తిని కూడా తీసుకోవాలని మణిరత్నం ఆమెను సంప్రదించారట.

కానీ అప్పటికే 'సర్కారు వారి పాట' షూటింగ్‌లో బిజీగా ఉండటంతో డేట్స్‌ లేవని మొహమాటం లేకుండా చెప్పేసిందట కీర్తి. దీంతో షాకైన మేకర్స్ తమ నిర్ణయాన్ని మార్చుకున్నట్లు సమాచారం. ప్రస్తుతం ఈ విషయం సోషల్ మీడియాలో వైరల్ అవుతుండగా.. 'మణిరత్నం చిత్రంలో అవకాశమొస్తే వదులుకుందా? చాలా తెలివి తక్కువగా వ్యవహరించింది. మహానటి అని ఓవర్ కాన్ఫిడెన్స్ పెరిగినట్లుంది' అంటూ కీర్తిపై ట్రోలింగ్ మొదలుపెట్టారు నెటిజన్లు.