కుక్క బ‌ర్త్‌డేకి 100 కేజీల కేక్.. ఫంక్ష‌న్‌ ఇలా అయ్యింది (వీడియో)
దిశ, వెబ్‌డెస్క్ః మ‌నుషుల‌కు కుక్క‌ల మీద ఉన్న అభిమానం అంతా ఇంతా కాదు.. క‌ర్నాట‌క‌లో ఏకంగా 100 కేజీల కేకుకు చేరుకుంది. కుక్క‌కున్న విశ్వాసం మ‌నుషుల‌కు ఉండ‌ద‌న్న‌ట్లు, ఆ విశ్వాసానికి మంచి బ‌హుమ‌తి ఇచ్చారు ఒక య‌జ‌మాని. కర్నాటకకు చెందిన ఈ వ్యక్తి తన పెంపుడు కుక్క క్రిష్‌పై తనకున్న అపారమైన ప్రేమకు ఇంట‌ర్నెట్‌లో ప్రశంసలు అందుకుంటున్నాడు. శివప్ప ఎల్లప్ప మరడి అనే వ్యక్తి ఇటీవల బెలగావిలో తన కుక్క పుట్టినరోజు వేడుకను ఘనంగా నిర్వహించారు. అయితే, పుట్టినరోజు పార్టీ ఒక వివాహ వేడుక‌లా చాలా ఘనంగా నిర్వహించారు. ఇప్పుడు ఈ వీడియో వైరల్ అయ్యింది. ఈ వీడియోలో క్రిష్ తలపై అందమైన పర్పుల్ బ‌ర్త్‌డే క్యాప్‌తో తన 100 కేజీల కేక్ ముందు ఉంటుంది. అతిథులంద‌రి మ‌ధ్య‌లో నిలబడి, అతిథుల చప్పట్లు, శుభాకాంక్ష‌ల‌తో పాటు అంద‌రూ క్రిష్‌కి కేక్ తినిపిస్తుంటే హాయిగా ఆర‌గిస్తుంది. ఇక, కుక్క య‌జ‌మాని ఈ సందర్భంగా దాదాపు 4000 మందికి అన్నదానం చేయ‌డం విశేషం. ఇలా జ‌రిగిన క్రిష్ పుట్టినరోజు సందర్భంగా సోషల్ మీడియా వినియోగదారులు కూడా శుభాకాంక్ష‌లు తెలిపారు. "క్రిష్ చాలా అదృష్టవంతుడు" అని మెచ్చుకున్నారు.
