భార్యాభర్తలపై అడవి పంది దాడి..

దిశ, కొత్తగూడ: ద్విచక్ర వాహనంపై వెళ్తున్న భార్యాభర్తలపై అడవి పంది దాడి చేసిన సంఘటన మహబూబాబాద్ జిల్లా కొత్తగూడ, గంగారం మండలాల అటవీ ప్రాంతంలో ప్రధాన రహదారిపై మంగళవారం రాత్రి చోటుచేసుకుంది. బాధితుల వివరాల ప్రకారం.. గంగారం మండలం వెంకన్నగుంపు గ్రామానికి చెందిన పెనుక రామయ్య, సమ్మక్క దంపతులు. అత్యవసర పనిమీద కొత్తగూడ మండలానికి వెళ్లి పని చూసుకుని తిరిగి వస్తుండగా ఒక్కసారిగా పొదలో నుండి అడవి పంది దాడి చేసింది. దంపతులు ఇద్దరు ద్విచక్ర వాహనం నుంచి కిందపడి తీవ్ర గాయాలతో ఇబ్బంది పడుతుండగా అటుగా వెళుతున్న ప్రయాణికులు వారిని వైద్య కోసం గంగారం మండల ప్రాథమిక ఆరోగ్య కేంద్రానికి తరలించారు.