ఏప్రిల్ 22న వేసవి శిక్షణ తరగతులు ప్రారంభం..

దిశ, కేయూక్యాంపస్ : తెలంగాణ సాంఘిక సంక్షేమ గురుకుల విద్యాలయ సంస్థ ఆధ్వర్యంలో వేసవి శిక్షణ తరగతుల శిబిరాలను ఏప్రిల్ 22వ తేదీ నుండి మే 6వ తేదీ వరకు, ఎల్కతుర్తిలోని తెలంగాణ సాంఘిక సంక్షేమ గురుకుల పాఠశాల కళాశాలలో నిర్వహిస్తున్నట్లు జిల్లా కలెక్టర్ పట్నాయక్ తెలిపారు. ఈ సమ్మర్ గ్రూప్ ప్రోగ్రాంకి స్పార్కిల్స్- 2022-23 పేరుతో పోస్టర్ విడుదల చేశారు.

శిక్షణ తరగతులలో భాగంగా సాంఘిక సంక్షేమ ఏకలవ్య, గిరిజన గురుకుల విద్యాలయాలలో ఎంపికైన 200 మంది విద్యార్థినిలకు క్రాఫ్ట్, మ్యూజిక్, ఫన్ సైన్స్, అండ్ లైఫ్ స్కిల్స్, యందు శిక్షణ తరగతులు నిర్వహిస్తామని తెలిపారు. ఈ కార్యక్రమంలో అడిషనల్ కలెక్టర్ ఎస్.సంధ్యారాణి, ప్రాంతీయ సమన్వయ అధికారి వరంగల్ రీజియన్ తెలంగాణ సాంఘిక సంక్షేమ గురుకుల పాఠశాల, కళాశాల (బాలికల), ఎల్కతుర్తి ప్రధాన చార్యులు, సిబ్బంది పాల్గొన్నారు.