Breaking News : జీడిమెట్లలో అగ్ని ప్రమాదం... అదుపులోకి రాని మంటలు

దిశ, వెబ్ డెస్క్ : హైదరాబాద్(Hyderabad) లోని జీడిమెట్ల పారిశ్రామికవాడలో భారీ అగ్ని ప్రమాదం(Fire Accident) సంభవించిన విషయం తెలిసిందే. కాగా మధ్యాహ్నం సంభవించిన ఈ అగ్నిప్రమాదంలో 6 గంటలు గడుస్తున్నా మంటలు అదుపులోకి రాలేదు. 7 ఫైర్ ఇంజిన్లు, 40 వాటర్ ట్యాంకర్ల సాయంతో ఫైర్ సిబ్బంది మంటలు ఆర్పడానికి ప్రయత్నం చేస్తున్నప్పటికీ.. అంతకంతకూ మంటలు వేగంగా విస్తరించి భవనం మొత్తం చుట్టేశాయి. ఆయిల్ డ్రమ్ములు పేలడంతో భారీగా మంటలు ఎగిసిపడుతూ.. ఆ పరిసర ప్రాంతంలో దట్టంగా పొగలు కమ్ముకున్నాయి. చుట్టుపక్కల ప్రాంతాల ప్రజలను ముందు జాగ్రత్త చర్యల్లో భాగంగా సురక్షిత ప్రాంతాలకు తరలించారు.