గవర్నర్ ప్రసంగంపై కేటీఆర్ రియాక్షన్ ఇదే..!

దిశ, వెబ్‌డెస్క్: గవర్నర్ ప్రసంగంపై ధన్యవాదాలు తెలిపే తీర్మానంపై అసెంబ్లీ చర్చ కొనసాగుతోంది. ఈ సందర్భంగా సిరిసిల్ల ఎమ్మెల్యే కేటీఆర్ మాట్లాడుతూ.. గవర్నర్ ప్రసంగం తప్పుల తడకగా ఉందన్నారు. గవర్నర్ ప్రసంగంలో సత్యదూరమైన మాటలు కనిపించాయన్నారు. బీఆర్ఎస్ అధికారంలో ఉన్నా.. ప్రతిపక్షంలో ఉన్నా.. తాము ప్రజల పక్షమే అన్నారు. గత కాంగ్రెస్ పాలనలో ఆత్మహత్యలు, ఆకలి కేకలు ఉన్నాయన్నారు. ఆనాడు ఉమ్మడి ఏపీ ముఖ్యమంత్రి కిరణ్ కుమార్ రెడ్డి ఒక్క రూపాయి ఇవ్వను అంటే కాంగ్రెస్ నాయకులు పెదవి విప్పలేదన్నారు.