స్పీకర్ ఖాతాలో రుణమాఫీ డబ్బులు

దిశ ప్రతినిధి, వికారాబాద్ : వికారాబాద్ జిల్లాలో తెలంగాణ రాష్ట శాసన సభాపతి, వికారాబాద్ ఎమ్మెల్యే గడ్డం ప్రసాద్ కుమార్ బ్యాంకు ఖాతా నెంబర్ కు రైతు రుణమాఫీ పథకం కింద రూ.1,50,863 లు పొరపాటున జమ అయ్యాయి. ఈ మేరకు జిల్లా వ్యవసాయ అధికారి గోపాల్ తెలిపారు. డీసీసీబీ బ్యాంకు తాండూర్ నుంచి టెక్నికల్ సమస్య వల్ల ఈ అమౌంట్ గడ్డం ప్రసాద్ కుమార్ బ్యాంకు ఖాతాలోకి జమ అయ్యాయి. ఈ విషయంపై స్పీకర్ ప్రసాద్ కుమార్ స్పందిస్తూ తన బ్యాంకు అకౌంట్ కు పొరపాటున వచ్చిన రుణమాఫీ డబ్బులను తిరిగి అదే బ్యాంక్ ద్వారా ప్రభుత్వానికి వాపసు చేయమని కోరగా, ఆ డబ్బులు బ్యాంకుకు తిరిగి చెల్లించినట్లు వ్యవసాయ జిల్లా అధికారి గోపాల్ తెలిపారు.