Bhatti Vikramarka : జార్ఖండ్ ఎన్నికల స్టార్ క్యాంపెయినర్‌గా భట్టి విక్రమార్క.. కార్యక్రమాల్లో బిజీ బిజీ!
దిశ, డైనమిక్ బ్యూరో: మహారాష్ట్ర, జార్ఖండ్ రాష్ట్రాల అసెంబ్లీ ఎన్నికలు జరగనున్న విషయం తెలిసిందే. ఈ నేపథ్యంలోనే కాంగ్రెస్ పార్టీ జార్ఖండ్ ఎన్నికల స్టార్ క్యాంపెయినర్లను నియమించింది. ఈ మేరకు గురువారం ఏఐసీసీ జనరల్ సెక్రటరీ, ఎంపీ కేసీ వేణుగోపాల్ 40 మందితో స్టార్ క్యాంపెయినర్ లిస్ట్ విడుదల చేశారు. జార్ఖండ్ ఎన్నికల స్టార్ క్యాంపెయినర్‌గా కాంగ్రెస్ సీనియర్ లీడర్, తెలంగాణ డిప్యూటీ సీఎం భట్టి విక్రమార్క Deputy CM Bhatti Vikramarka పేరు జాబితాలో ఉంది. ఏఐసీసీ చీఫ్ మల్లికార్జున ఖర్గే, అగ్రనేతలు సోనియా గాంధీ, రాహుల్, ప్రియాంక గాంధీతో పాటు భట్టి విక్రమార్క కూడా ఉన్నారు. ఇదిలా ఉండగా జార్ఖండ్ పర్యాటనలో డిప్యూటీ సీఎం భట్టి విక్రమార్క ఉన్నారు. అక్కడి నేతలతో కీలక సమావేశాల్లో పాల్గొంటున్నారు. ప్రజలను కలుస్తూ బిజీగా ఉన్నారు. ఈ విషయాలను డిప్యూటీ సీఎం భట్టి తన ఎక్స్ ఖాతా వేదికగా పంచుకున్నారు.
ఇక మహారాష్ట్రలో నవంబర్ 20వ తేదీన సింగిల్ ఫేజ్‌లో ఎన్నికలు జరగనుండగా.. జార్ఖండ్‌కు మాత్రం రెండు దశల్లో ఎన్నికలు జరగనున్నాయి. నవంబర్ 13, 20 తేదీల్లో ఆ రాష్ట్రానికి ఎన్నికలు జరగనున్నాయి. కాగా, ఇటీవల జరిగిన హర్యానా, జమ్ము కాశ్మీర్ అసెంబ్లీలకు జరిగిన ఎన్నికల్లో కాంగ్రెస్ ఘోరంగా విఫలమైన విషయం తెలిసిందే.
