వైన్ షాప్ సమీపంలో డ్రంక్‌ అండ్‌ డ్రైవ్..

దిశ, భిక్కనూరు: భిక్కనూరు మండల కేంద్రంలో మందుబాబులు నిరసనకు దిగారు. వైన్‌షాపు పక్కనే డ్రంక్ అండ్ డ్రైవ్ పెట్టారంటూ గురువారం రాత్రి మందుబాబులు పెద్ద ఎత్తున ఆందోళనకు దిగారు. సిద్ధరామేశ్వరాలయానికి వెళ్లే, నందీశ్వరుని విగ్రహం వద్ద పోలీసులు డ్రంక్ అండ్ డ్రైవ్ చేస్తూ కేసులు నమోదు చేస్తున్నారు. వైన్ షాపు బంద్ చేయించి మందు బాబులు నిరసన చేశారు. పర్మిట్ రూమ్ లో నుంచి వెళ్లడమే ఆలస్యం, పోలీసులు అడ్డుకొని నోట్లో పైపు పెట్టి ఊదమంటున్నారంటూ మందుబాబులు ఆవేదన వ్యక్తం చేస్తున్నారు. పోలీసులు తీసుకెళ్లిన తమ ద్విచక్ర వాహనాలను తమకు అప్పగించే వరకు, వైన్ షాపు ఎలా నడిపిస్తారో చూస్తామంటూ మందు బాబులు భీష్మించుకొని నిరసన కొనసాగిస్తున్నారు. ఈ విషయమై నిర్వాహకులు స్థానిక పోలీసులకు సమాచారం అందించారు.