పొలం దున్నుతుండగా ట్రాక్టర్ బోల్తా..రైతు మృతి

దిశ,రామన్నపేట : ట్రాక్టర్‌తో పొలం దున్నుతూ ప్రమాదవశాత్తు ఓ రైతు అక్కడికక్కడే మృతి చెందారు. ఒక్కసారిగా ట్రాక్టర్ పల్టీ కొట్టి పొలంలోనే ప్రాణాలు కోల్పోయారు. మండలంలోని తుమ్మల గూడెం గ్రామంలో ఈ ఘటన చోటుచేసుకుంది. పోలీసులు తెలిపిన వివరాల ప్రకారం.. పెద్దగోని నర్సింహ్మ (54) తుమ్మలగూడెం గ్రామ శివారులోని కాటేపల్లి మహేష్ పొలం దున్నుతుండగా.. ప్రమాదవశాత్తు ట్రాక్టర్ బోల్తా పడింది. దీంతో నాగలి మధ్య ఇరుక్కుపోయి రైతు అక్కడికక్కడే మృతి చెందాడు. పోలీసులకు ఫిర్యాదు చేయగా..దర్యాప్తు చేస్తున్నట్లు ఎస్‌ఐ పి.మల్లయ్య తెలిపారు.