నేడు పలు చోట్ల విద్యుత్ కు అంతరాయం
దిశ,ఉప్పల్ : ఉప్పల్ సబ్ స్టేషన్ పరిధిలో శుక్రవారం ఉదయం 10.30 గంటల నుంచి సాయంత్రం 4 గంటల వరకు విద్యుత్ సరఫరా నిలిపివేస్తున్నట్లు ఏఈ కిరణ్ కుమార్ రెడ్డి ఒక ప్రకటనలో తెలిపారు. ఫీడర్ మరమ్మతులు, చెట్ల కొమ్మలు నరికివేత కారణంగా 11 కేవీ ఆర్టిఏ ఫీడర్ పరిధిలో ఉప్పల్ మాస్టర్ చెఫ్ హోటల్ లైన్, సర్వే ఆఫ్ ఇండియా క్వార్టర్స్, కేవీ స్కూల్-1, వెంకటేశ్వర కాలనీ, సూర్య నగర్ కాలనీ, రాజునగర్ కాలనీ, రాజ్యలక్ష్మి థియేటర్ లైన్, సుమిత్ర హాస్పిటల్ లైన్ పరిసర ప్రాంతాల్లో విద్యుత్ సరఫరా నిలిపివేస్తున్నట్లు ఏఈ కిరణ్ కుమార్ రెడ్డి తెలిపారు. ప్రజలు సహకరించాలని కోరారు.
రామంతాపూర్......
రామంతపూర్ సబ్ స్టేషన్ పరిధిలో శుక్రవారం ఉదయం 10.30 గంటల నుంచి సాయంత్రం 4 గంటల వరకు విద్యుత్ సరఫరా నిలిపివేస్తున్నట్లు రామంతపూర్ ఏఈ కె. లావణ్య ఒక ప్రకటనలో తెలిపారు. ఫీడర్ మరమ్మతులు, చెట్ల కొమ్మలు నరికివేత కారణంగా 11 కేవీ గోకలే నగర్ ఫీడర్ పరిధిలో ప్రగతి నగర్ పార్ట్, చర్చి కాంపౌండ్ మెయిన్ రోడ్, ఇందిర నగర్, నెహ్రు నగర్, గోఖలే నగర్, కెన్య గ్రౌండ్, ఆర్టీసీ కాలనీ పరిసర ప్రాంతాలలో విద్యుత్ సరఫరా నిలిపివేస్తున్నట్లు ఏఈ లావణ్య తెలిపారు.
హబ్సిగూడ......
కేవీ స్ట్రీట్ -8 సబ్ స్టేషన్ పరిధిలో శుక్రవారం ఉదయం 10.30 గంటల నుంచి సాయంత్రం 4 గంటల వరకు విద్యుత్ సరఫరా నిలిపివేస్తున్నట్లు హబ్సిగూడ ఏఈ గణేష్ ఒక ప్రకటనలో తెలిపారు. ఫీడర్ మరమ్మతులు, చెట్ల కొమ్మలు నరికివేత కారణంగా 11కేవీ ఐఎస్ఐ ఫీడర్ పరిధిలో జేఎస్ఎన్ కాలనీ, జీజీ కాలనీ, వీవీ నగర్, విజ్ఞాన్ పూరి, శోభన్ నగర్ పరిసర ప్రాంతాలలో విద్యుత్ సరఫరా నిలిపివేస్తున్నట్లు ఏఈ వి గణేష్ పేర్కొన్నారు.
