ఎన్టీఆర్ కళాశాలలో పీజీ కోర్సులకు స్పాట్ అడ్మిషన్లు

దిశ ప్రతినిధి,మహబూబ్ నగర్: స్థానిక ఎన్టీఆర్ ప్రభుత్వ మహిళా డిగ్రీ అండ్ పిజి అటానమస్ కళాశాల ప్రాంగణంలో 2024 -25 విద్యా సంవత్సరానికి స్పాట్ అడ్మీషన్లు ప్రారంభించినట్లు కళాశాల ప్రిన్సిపాల్ డాక్టర్ రాజేంద్రప్రసాద్ ఒక ప్రకటనలో తెలిపారు. ఇందుకు సంబంధించిన దరఖాస్తులను నవంబర్ 20 వ తేది వరకు రెగ్యులర్ పీజి కోర్సులైన ఎంఏ (తెలుగు),ఎంఎస్సీ జువాలజీ,కెమిస్ట్రీ,మ్యాథ్స్ సబ్జెక్టులో స్పాట్ అడ్మిషన్లు నిర్వహిస్తున్నట్లు ఆయన తెలిపారు.సంబంధిత కోర్సుల్లో డిగ్రీ పాసైన విద్యార్థులు,కౌన్సిలింగ్ కు హాజరుకాని అభ్యర్థులు,స్పాట్ అడ్మిషన్స్ కు తమ ఒరిజినల్ సర్టిఫికెట్స్ తో పాటు..మూడు సెట్ల జిరాక్స్ కాఫీలు,మూడు పాస్ పోర్టు సైజ్ పోటోలు వెంట తెసుకుని నిర్దేశిత గడువులోగా కళాశాలలో సంబంధిత కోర్సు విభాగాధిపతులను కలవాలని ఆయన పేర్కొన్నారు. తదితర వివరాలకోసం సెల్ నెంబర్ 9640414429 కు సంప్రదించవచ్చని ఆయన తెలిపారు.