నేత కళాకారుడి అద్భుత ప్రతిభ.. పట్టు వస్త్రం పై రేవంత్ చిత్రం..

దిశ, రాజన్న సిరిసిల్ల ప్రతినిధి : పట్టు వస్త్రం పై తెలంగాణ రాష్ట్ర ముఖ్యమంత్రి రేవంత్ రెడ్డి చిత్రాన్ని నేసి నేత కళాకారుడు అబ్బురపరిచాడు. తన చేనేత కళతో ఎన్నో అద్భుతాలు సృష్టించిన సిరిసిల్ల పట్టణానికి చెందిన వెల్ది హరిప్రసాద్ ముఖ్యమంత్రి రేవంత్ రెడ్డి పుట్టినరోజు సందర్భంగా పట్టు వస్త్రం పై తెలంగాణ రాష్ట్ర చిహ్నంలో ఆయన చిత్రాన్ని వచ్చేలా నేశాడు. రేవంత్ రెడ్డి పై ఉన్న అభిమానంతో దాదాపు ఐదు రోజుల పాటు శ్రమించి వస్త్రాన్ని తయారు చేశానని హరిప్రసాద్ తెలిపాడు. నవంబర్ 8 న సీఎం పుట్టినరోజు సందర్భంగా ఆయనను కలిసే అవకాశం కల్పిస్తే, ఆ వస్త్రాన్ని ముఖ్యమంత్రికి కానుకగా అందిస్తానని ఈ సందర్భంగా ఆయన ఆశాభావం వ్యక్తం చేస్తున్నాడు.