అసెంబ్లీ స్పీకర్‌గా గడ్డం ప్రసాద్ కుమార్.. కేటీఆర్ ఆసక్తికర వ్యాఖ్యలు

దిశ, వెబ్‌డెస్క్: తెలంగాణ అసెంబ్లీ స్పీకర్‌గా గడ్డం ప్రసాద్ కుమార్ ఏకగ్రీవంగా ఎన్నికయ్యారు. ఈ సందర్భంగా కేటీఆర్ అసెంబ్లీలో మాట్లాడారు. గడ్డం ప్రసాద్‌ను ఏకగ్రీవంగా ఎన్నుకోవాలని తమ పార్టీ అధినేత కేసీఆర్ ఆదేశాలు ఇచ్చారన్నారు. గడ్డం ప్రసాద్ చేనేత శాఖ మంత్రిగా సిరిసిల్లకు వచ్చి కార్మికుల సంక్షేమానికి కృషి చేశారన్నారు. 2009లో ఇద్దరం శాసనసభ సభ్యులుగా ఉన్నామన్నారు. సామాన్య ఎంపీటీసీ పదవి నుంచి అసెంబ్లీ స్పీకర్‌గా ఎదిగిన గడ్డం ప్రసాద్ కుమార్ జీవితం ఎంతో మందికి స్ఫూర్తిగా నిలుస్తోందన్నారు. అసెంబ్లీ స్పీకర్ బాధ్యతలను సమర్ధంగా నిర్వహిస్తారని ఆశిస్తున్నానన్నారు. తెలంగాణ స్పీకర్లుగా మధుసుదనా చారి, పోచారం శ్రీనివాస్ రెడ్డి నెలకొల్పిన సంప్రదాయాలు, కాపాడిన విలువలను గడ్డం ప్రసాద్ కుమార్ కొనసాగించాలని కేటీఆర్ ఆకాంక్షించారు.