ఢిల్లీలో లేదు.. గల్లీలో లేదు.. దేశంలో కాంగ్రెస్ పని ఖతం: DK అరుణ
దిశ, డైనమిక్ బ్యూరో: దేశంలో కాంగ్రెస్ పార్టీ పని ఖతం అయిందని బీజేపీ జాతీయ ఉపాధ్యక్షురాలు డీకే అరుణ విమర్శించారు. బెల్లారి సిటీ నియోజకవర్గం బీజేపీ అభ్యర్థి గాలి సోమ శేఖర్ రెడ్డి తరుఫున శనివారం ప్రచారం నిర్వహించిన ఆమె కాంగ్రెస్ పార్టీ ఢిల్లీలో గల్లీలో ఎక్కడా లేదని ఎద్దేవా చేశారు. రోజు రోజుకు తుడుచిపెట్టుకుపోతున్న ఆ పార్టీకి ఓట్లు వేసి దండగే అని విమర్శించారు. డబుల్ ఇంజిన్ సర్కార్‌‌తోనే అభివృద్ధి సాధ్యం అవుతుందని అన్నారు.
అందువల్ల కర్ణాటకలో బీజేపీకి మరోసారి అధికారం ఇవ్వాలని ఓటర్లను కోరారు. మరో వైపు కర్ణాటక అసెంబ్లీ ఎన్నికల ప్రచారంలో తెలంగాణ నేతలు దూసుకుపోతున్నారు. చింతామణి అసెంబ్లీ నియోజక వర్గంలో బీజేపీ రాష్ట్ర అధ్యక్షుడు బండి సంజయ్ కుమార్ ప్రచారం నిర్వహించారు. కోలార్ ఎంపీ మునిస్వామి, రాష్ట్ర అధికార ప్రతినిధులు సీహెచ్.విఠల్, జె.సంగప్పలతో కలిసి ఎన్నికల ప్రచారంలో పాల్గొన్నారు. మునిస్వామితో కలిసి ప్రచార రథమెక్కి చింతామణిలో ప్రజలకు అభివాదం చేస్తూ బీజేపీకి ఓటేయాలని కోరారు.
Also Read..
