కైరిగూడ ఓసీలో సేఫ్టీ జీఎం పర్యటన..

దిశ, తాండూర్ : బెల్లంపల్లి ఏరియాలోని కైరిగూడ ఓసీపీలో సోమవారం రీజియన్ సేఫ్టీ జీఎం కె.రఘుకుమార్ పర్యటించారు. బెల్లంపల్లి ఏరియా జీఎం శ్రీనివాస్ తో కలిసి ఆయన ఓసీని సందర్శించి రక్షణ ఏర్పాట్లను తనిఖీ చేశారు. 55 వ వార్షిక రక్షణ పక్షోత్సవాల నిర్వహణ కోసం ఏర్పాట్లను ముమ్మరం చేయాలన్నారు. కళాకారులు పాటలు, నాటిక ద్వారా రక్షణ ప్రాముఖ్యతను ఉద్యోగులకు వివరించి, విస్తృతంగా ప్రచారం చేయాలని సంబంధిత అధికారులను సేఫ్టీ జీఎం ఆదేశించారు. అనంతరం రక్షణ చర్యల గురించి అధికారులతో సేఫ్టీ జీఎం సమీక్ష సమావేశం నిర్వహించి పలు సూచనలు చేశారు. ఈ కార్యక్రమంలో ఎస్ఓటు జిఎం కె.రాజమల్లు, ప్రాజెక్ట్ ఇంజినీర్ వీరన్న, మేనేజర్ శంకర్ తదితరులు పాల్గొన్నారు.