సామ్‌తో బన్నీ మాస్ డ్యాన్స్.. ఐటమ్ సాంగ్‌పై చిత్ర యూనిట్ క్లారిటీ
దిశ, వెబ్‌డెస్క్: ఐకాన్ స్టార్ అల్లు అర్జున్ ఫస్ట్ పాన్ ఇండియా మూవీ ‘పుష్ఫ’ కోసం ఫ్యాన్స్ ఎంతో ఆసక్తిగా ఎదురుచూస్తున్నారు. ఇప్పటికే ఈ చిత్రం నుంచి విడుదలైన పాటలు, నటీనటుల లుక్స్ అందరినీ ఆకట్టుకున్నాయి. అయితే, తన ప్రతీ సినిమాలో ఐటమ్ సాంగ్‌కు దర్శకుడు సుకుమార్ ప్రాధాన్యత ఇస్తుంటాడు. మొదటి చిత్రం ఆర్య నుంచి చివరగా వచ్చిన రంగస్థలం వరకు ప్రతీ సినిమాలోనూ అదిరిపోయే ఐటం సాంగ్ పెట్టి సినిమాకు మంచి మసాల టచ్ ఇస్తుంటాడు. ఈ క్రమంలోనే సుకుమార్ ప్రతిష్టాత్మకంగా తెరకెక్కిస్తోన్న పుష్ప సినిమాలోనూ ఐటమ్ సాంగ్‌కు ప్రాధాన్యత ఇస్తున్నాడు.
ఇందుకోసం అదిరిపోయే హీరోయిన్‌ను ఎంచుకున్నాడు. టాలీవుడ్ టాప్ హీరోయిన్‌ సమంతతో ఐటమ్ సాంగ్ చేయిస్తున్నట్టు చిత్రం యూనిట్ అధికారికంగా ప్రకటించింది. కాగా, సుకుమార్‌తో సమంతకు మంచి రిలేషన్ ఉంది. రంగస్థలం లాంటి సినిమా తనకు ఇచ్చాడనే కృతజ్ఞతతోనే ఈ పాటలో నటించడానికి సామ్ కూడా ఓకే చెప్పినట్లు తెలుస్తోంది. కాగా, ఐటమ్ సాంగ్‌లో బన్నీతో కలిసి మాస్ స్టెప్పులు వేయడానికి సమంత సిద్ధం కావడంతో స్పెషల్ సాంగ్ హైలైట్ అవుతుందని చిత్రయూనిట్‌తో పాటు ఫ్యాన్స్ భావిస్తున్నారు. ఈ చిత్రంలో బన్నీ సరసన రష్మిక మందన హీరోయిన్‌గా నటిస్తోన్న సంగతి తెలిసిందే. దేవిశ్రీ ప్రసాద్ మ్యూజిక్ అందిస్తున్నారు. సునీల్, అనసూయ ప్రధాన పాత్రల్లో నటిస్తున్నారు.
బ్రేకింగ్.. డెడ్ బాడీల పోస్ట్ మార్టంపై కేంద్రం కీలక ప్రకటన
A big Thank You to the supremely talented @Samanthaprabhu2 garu for accepting our request and doing this sizzling number in #PushpaTheRise 💥#PushpaTheRiseOnDec17@alluarjun @iamRashmika @aryasukku #FahadhFaasil @Dhananjayaka @Mee_Sunil @anusuyakhasba @ThisIsDSP @adityamusic pic.twitter.com/fD0QRDVYTg
— Mythri Movie Makers (@MythriOfficial) November 15, 2021
