మరోసారి షాకిచ్చిన సమంత.. ఈ సారి ఏం చేసిందంటే ?

దిశ, వెబ్‌డెస్క్ : ఎప్పుడు సోషల్ మీడియాలో యాక్టివ్‌గా ఉండే సమంత.. తన అకౌంట్‌లో ప్రొఫైల్ మార్పులు చేసినట్లైతే అభిమానులు ఇట్టే పసిగడుతారు. అయితే మూడు నెలల క్రితం సమంత తన సోషల్ మీడియా అకౌంట్స్ నుంచి Akkineni అనే పదం తొలిగించి ‘S’ అనే అక్షరం జోడించడంతో అభిమానుల్లో పలు అనుమానాలు రేకెత్తాయి. చైతన్య, సామ్ వివాహ బంధంలో ఏవో సమస్యలు తలెత్తాయి.. వీరు విడిపోతారేమో అని అభిమానుల్లో ఆందోళన మొదలైంది. అప్పటి నుంచి ఇప్పటి వరకు ఈ విషయం సోషల్ మీడియాను షేక్ చేస్తూ వచ్చింది. ఎట్టకేలకు ఆ గుసగుసలే నిజమై చైతన్య, సామ్ విడాకులు తీసుకుంటునట్టు శనివారం అధికారికంగా ప్రకటించారు. అయితే నాగచైతన్యతో విడాకులు తీసుకున్న సమంత తన సోషల్ మీడియా హ్యాండిల్స్‌లో ఇవాళ(ఆదివారం) మళ్లీ తన పేరును మార్చారు. తన హ్యాండిల్ పేరు‌గా Samantha మెన్షన్ చేశారు. చైతుతో డైవర్స్ న్యూస్ వస్తున్న సమయంలో Samantha Akkineni తన సోషల్ మీడియా హ్యాండిల్‌ను మార్చి కేవలం S అన్న అక్షరం మాత్రమే పెట్టారు. ఇక నాగచైతన్యతో పెళ్లికి ముందు సమంత సోషల్ మీడియా హ్యాండిల్స్ లో సమంత రూత్ ప్రభు అని ఉండేది.