రిపబ్లిక్ వాయిస్ వినిపిస్తున్న మెగా హీరో

దిశ, సినిమా : ‘చిత్ర లహరి’ సినిమాతో సక్సెస్ ట్రాక్ ఎక్కిన మెగాహీరో సాయిధరమ్ తేజ్.. ఆ తర్వాత మారుతి డైరెక్షన్‌లో వచ్చిన ‘ప్రతీరోజు పండగే’తో పాటు కిషోర్ తిరుమల ‘సోలో బ్రతుకే సో బెటర్’ సినిమాలతోనూ డీసెంట్ హిట్స్ అందుకున్నాడు. ప్రస్తుతం దేవ కట్టా దర్శకత్వంలో ‘రిపబ్లిక్’ మూవీ చేస్తున్న మెగా మేనల్లుడు.. ఈ పొలిటికల్ డ్రామాపై భారీ హోప్స్ పెట్టుకున్నాడు. ఏప్రిల్ 5న విడుదలైన టీజర్‌కు ఊహించని రెస్పాన్స్ రాగా, సినిమా కోసం ఫ్యాన్స్ ఈగర్‌గా వెయిట్ చేస్తున్నారు.

ఇప్పటికే షూటింగ్ పూర్తిచేసుకున్న ప్రాజెక్ట్.. ప్రస్తుతం లాక్‌డౌన్ ఎత్తేయడంతో పోస్ట్ ప్రొడక్షన్ పనులు ఊపందుకున్నట్టు తెలుస్తోంది. ఈ మేరకు ట్వీట్ చేసిన సుప్రీం హీరో సాయిధరమ్ తేజ్.. డబ్బింగ్ పనులు రీస్టార్ట్ చేసినట్టు తెలిపాడు. త్వరలోనే థియేటర్ రిలీజ్‌కు ప్లాన్ చేస్తున్నట్టు పోస్టు చేశాడు. జె. భగవాన్, జె పుల్లారావు నిర్మిస్తున్న చిత్రానికి మణిశర్మ సంగీతం అందిస్తుండగా.. రమ్యకృష్ణతో పాటు జగపతి బాబు కీలక పాత్రలు పోషిస్తున్న సంగతి తెలిసిందే.

https://twitter.com/IamSaiDharamTej/status/1406938789755252737?s=20