బాలకృష్ణతో వన్స్‌మోర్‌.. అన్స్టాపబుల్ షోకు డ్యాన్సింగ్ క్వీన్ (ట్వీట్)
దిశ, సినిమా: నందమూరి బాలకృష్ణ(Balakrishna) హోస్ట్‌గా చేస్తున్న ‘అన్స్టాపబుల్ విత్ ఎన్‌బీకే’(Unstoppable with NBK) షో సక్సెస్‌ఫుల్‌గా కొనసాగుతోంది. ఇప్పటికే మూడు సీజన్లు పూర్తి చేసుకోగా..ప్రజెంట్ నాలుగో సీజన్ నడుస్తోంది. ఐదు ఎపిసోడ్‌లు ప్రసారం అయి ప్రేక్షకులను అలరించాయి. ఇటీవల ఈ షోకు ఐకాన్ స్టార్ అల్లు అర్జున్ గెస్ట్‌గా వచ్చారు. అయితే దీనిని రెండు భాగాలుగా విడుదల చేయగా భారీ వ్యూస్ రాబట్టింది. దీంతో ఆరో ఎపిసోడ్‌పై ప్రేక్షకుల్లో ఆసక్తి పెరిగింది. ఈ క్రమంలో.. తాజాగా, అన్స్టాపబుల్ షోలో డ్యాన్సింగ్ క్వీన్ శ్రీలీల(Sreeleela ) పాల్గొనబోతున్నట్లు ‘ఆహా’ పోస్ట్ ద్వారా వెల్లడించింది.
ఈ ఎపిసోడ్ షూటింగ్ కోసం ఇప్పటికే అన్నపూర్ణ స్టూడియో(Annapurna Studio)కు శ్రీలీల వెళ్లింది. ఇందుకు సంబంధించిన ఫొటోలు, వీడియోలు సోషల్ మీడియా(Social Media)లో వైరల్‌గా మారాయి. ఇందులో శ్రీలీల స్లీవ్‌లెస్ జాకెట్, ఎరుపు నలుపు కలిసిన చీరతో కనిపించింది. దీంతో ఈ షో ఎప్పుడు ప్రసారం అవుతుందా అని ప్రేక్షకులు ఆసక్తిగా ఎదురుచూస్తున్నారు. అయితే శ్రీలీలతో పాటు సిద్దు జొన్నలగడ్డ(Siddu Jonnalagadda) కూడా రాబోతున్నట్లు సమాచారం.
కానీ వీరిద్దరు ఒకే ఎపిసోడ్‌లో క‌నిపించ‌నున్నారా? లేదంటే వేరువేరు ఎపిసోడ్‌లో క‌నిపించ‌నున్నారా ? అనేది తెలియాల్సి ఉంది. కాగా, బాలకృష్ణ, శ్రీలీల కాంబోలో వచ్చిన ‘భగవంత్ కేసరి’(Bhagavanth Kesari) బ్లాక్ బస్టర్ హిట్ అయిన విషయం తెలిసిందే. ఇప్పుడు మరోసారి వీరిద్దరు ఓకే స్క్రీన్‌పై సందడి చేయబోతున్నారని తెలుసుకున్న ప్రేక్షకుల్లో క్యూరియాసిటీ పెరిగిపోయింది.
Fee-Leela-ing some #Unstoppable #kissik vibes 😜@sreeleela14 pic.twitter.com/Mtc3zO7x0H
— ahavideoin (@ahavideoIN) November 26, 2024
