లారీని ఢీకొన్న కారు.. ముగ్గురు దుర్మరణం

దిశ, వెబ్‌డెస్క్: కృష్ణా జిల్లాలో రోడ్డు ప్రమాదం జరిగింది. జగ్గయ్యపేట మండలం గరికపాడు ఫ్లైఓవర్‌పై ఆగివున్న లారీని ఓ కారు ఢీకొట్టింది. ఈ ప్రమాదంలో ముగ్గురు అక్కడికక్కడే మృతి చెందారు. ఆరుగురికి తీవ్ర గాయాలయ్యాయి. క్షతగాత్రుల్లో ఇద్దరు చిన్నారులు ఉన్నారు. క్షతగాత్రులను మెరుగైన చికిత్స నిమిత్తం ఖమ్మం ఆస్ప్రతికి తరలించారు. బాధితులు ఖమ్మం జిల్లా మధిరలోని ఆత్కూరు వాసులుగా గుర్తించారు.

ప్రమాద సమయంలో డ్రైవర్‌తో సహా 8 మంది కారులో ప్రయాణిస్తున్నారు. వీరంతా వేములవాడ నుంచి తిరిగివస్తుండగా ఈ ప్రమాదం చోటు చేసుకుంది. ఘటనాస్థలికి చేరుకున్న పోలీసులు మృతదేహాలను పోస్టుమార్టం నిమిత్తం జగ్గయ్యపేట ఆస్పత్రికి తరలించారు. ప్రమాద ఘటనపై కేసు నమోదు చేసిన పోలీసులు దర్యాప్తు చేపట్టారు.