కరోనాతో షూటింగ్ ఆగలేదు..
కరోనా మహమ్మారి రోజురోజుకూ విజృంభిస్తోంది. సీరియల్ యాక్టర్స్ కొందరికి పాజిటివ్ రావడంతో ఇప్పటికే షూటింగ్స్ ఆగిపోయాయి. నవ్య స్వామి, రవి కృష్ణ, ప్రభాకర్‌తో పాటు మరికొంత మందికి కరోనా సోకడంతో సెల్ఫ్ ఐసోలేషన్‌కు వెళ్లిపోయారు. ఇదిలా ఉంటే, లాక్‌డౌన్‌లోనూ సినిమాల మీద సినిమాలు రిలీజ్ చేస్తున్న రామ్ గోపాల్ వర్మ.. కొత్తగా 12 ‘o’ క్లాక్ సినిమాను ప్రకటించాడు. అయితే ఈ చిత్ర యూనిట్ సభ్యుల్లో ఒకరికి కరోనా పాజిటివ్ తేలిందని.. షూటింగ్ వాయిదా పడిందని వార్తలు వెలువడ్డాయి.
ఈ క్రమంలో దీనిపై క్లారిటీనిచ్చారు డైరెక్టర్ వర్మ. మా టీమ్‌లో ఒకరికి కరోనా రావడంతో షూటింగ్ ఆపేశామన్న వార్తల్లో నిజం లేదంటూ ట్వీట్ చేశారు. సినిమా షూటింగ్ స్టార్ట్ చేసేముందు యూనిట్ సభ్యులందరికీ టెస్ట్ చేయిస్తున్నామని.. అందరికీ నెగెటివ్ వచ్చిందని చెప్పారు. ప్రభుత్వ నిబంధనల ప్రకారమే షూటింగ్ జరుగుతుందని స్పష్టం చేశారు.
