హైదరాబాద్‌లో 100 అడుగుల NTR విగ్రహం.. ఎక్కడంటే..?
దిశ, వెబ్‌డెస్క్: 2024 ఆంధ్రప్రదేశ్ అసెంబ్లీ ఎన్నికల్లో టీడీపీ(TDP) పార్టీ భారీ విజయం సాధించి అధికారంలోకి వచ్చిన విషయం తెలిసిందే. ఈ విజయం ఉత్సాహంతో తెలంగాణలోను టీడీపీ పార్టీకి పునర్ వైభవం తీసుకు వచ్చేందుకు కృషి చేస్తానని స్వయంగా సీఎం చంద్రబాబు నాయుడు (CM Chandrababu Naidu) చెప్పుకొచ్చిన విషయం తెలిసిందే. ఈ క్రమంలో హైదరాబాద్ పట్టణంలో టీడీపీని స్థాపించిన మాజీ సీఎం ఎన్టీఆర్(NTR) విగ్రహం ఏర్పాటు చేస్తామని.. టీడీ జనార్ధన్(TD Janardhan) చెప్పుకొచ్చారు. గతంలో టీడీపీని స్థాపించిన చోటే వంద అడుగుల ఎన్టీఆర్ విగ్రహాన్ని(statue) ఆవిష్కరిస్తామని ఆయన చెప్పుకొచ్చారు. తెలుగు వారు అందరూ ఏకం కావాలనే లక్ష్యంతో ఎన్టీఆర్ తెలుగు దేశం పార్టీని స్థాపించారు. టీడీపీ(TDP) పార్టీకి చెందిన కార్యకర్తలు ప్రస్తుతం ప్రపంచ వ్యాప్తంగా ఉన్నారు. NTR చేసిన సేవలకు ప్రపంచ దేశాల నుంచి ఇప్పటికే మంచి గుర్తింపు వచ్చింది. ఈ ఏడాది చివరి నాటికి హైదరాబాద్ నగరంలో అన్నగారి విగ్రహాన్ని(statue) ఏర్పాటు చేసి తెలుగు ప్రజలకు అంకితమిస్తామని ఈ సందర్భంగా వారు చెప్పుకొచ్చారు.
