ఫైటర్‌లో ‘నో’ ఫారన్ ఫైట్స్?
అమేజింగ్ మాస్ డైరెక్టర్ జగన్నాథ్, రౌడీ హీరో విజయ్ దేవరకొండ కాంబినేషన్‌లో వస్తున్న చిత్రం ఫైటర్. ఈ కాంబినేషన్‌తోనే ప్రాజెక్ట్‌పై భారీ హైప్ క్రియేట్ కాగా.. లాక్‌డౌన్‌కు ముందు ముంబైలో కొంత భాగం షూటింగ్ కూడా పూర్తిచేశారు. ఆ తర్వాత హైదరాబాద్‌లో మరో షెడ్యూల్ జరుపుకునే లోపే.. కరోనా కారణంగా వాయిదా పడింది. అయితే పరిస్థితులు ఇప్పుడప్పుడే చక్కబడేలా లేనందున స్క్రిప్ట్‌లో కొన్ని మార్పులు చేశారట పూరి.
ఈ చిత్రంలో విదేశాల్లో షూటింగ్ జరుపుకునే సన్నివేశాలు, ఫైట్ సీక్వెన్స్‌లు ఉండగా.. అక్కడ షూటింగ్ సాధ్యం కాదనేది క్లియర్‌గా తెలుస్తోంది. దీంతో పూరీ.. విదేశీయుల ఫైట్ సీక్వెన్స్‌లో మార్పులు చేస్తూ.. దీన్ని కూడా హైదరాబాద్‌లోనే తెరకెక్కించేలా చేంజ్ చేస్తున్నారని టాక్. పాన్ ఇండియా మూవీగా తెరకెక్కుతున్న చిత్రంలో అనన్య పాండే కథానాయిక కాగా.. చార్మి, కరణ్ జోహార్ సినిమాను నిర్మిస్తున్నారు. ఇక వరల్డ్ ఫేమస్ లవర్ తో డిజాస్టర్ చవిచూసిన విజయ్‌కు ఈ సినిమా విజయం కీలకం కానుంది.
