కుక్కకు ఆ పేరు పెట్టిందని.. కొడుకు ముందే తల్లిని తగులబెట్టిన పక్కింటి మహిళలు

దిశ, వెబ్ డెస్క్: గుజరాత్ లో దారుణం చోటు చేసుకుంది. కుక్కకు తన పేరు పెట్టిందని పక్కింటి మహిళను ఆమె కొడుకు ముందే పొరుగింటి మహిళలు కిరోసిన్ పోసి నిప్పంటించారు. పోలీసులు తెలిపిన వివరాల ప్రకారం.. గుజరాత్ లోని శక్తినగర్ ఎక్స్ టెన్షన్ లో నివసించే ఓ మహిళ తన కుక్కకు ఓ పేరు పెట్టింది. అయితే, పొరిగింటిలో ఉండే మహిళ పేరు కూడా అదే కావడంతో ఆ మహిళ ఈమెపై మండిపడింది. ఈ విషయమై చాలాసార్లు వీరి మధ్య గొడవ జరిగింది. ఆమెపై కక్ష్య పెంచుకున్న ఆ మహిళ మరికొంతమంది మహిళలతో కలిసి ఆమె ఇంట్లోకి ప్రవేశించింది. అనంతరం వారందరూ కలిసి ఆమెపై కిరోసిన్ పోసి నిప్పంటించారు. ఆ సమయంలో ఇంట్లోనే ఉన్న ఆమె కొడుకు తల్లి కళ్ల ముందే కాలిపోతుంటే గట్టిగా కేకలు వేస్తూ ఏడిచాడు. ఆ కేకలు విని బాధిత మహిళను ఆస్పత్రికి తరలించారు. ప్రస్తుతం ఆమె పరిస్థితి విషమంగా ఉన్నట్లు డాక్టర్లు చెప్పారని పోలీసులు చెప్పారు. పోలీసులు కేసు నమోదు చేసుకుని ఐదుగురు పొరుగింటి మహిళలను అరెస్ట్ చేశారు.