దేశ ప్రజలకు ప్రధాని మోడీ న్యూ ఇయర్ విషెస్

న్యూఢిల్లీ: భారత ప్రధానమంత్రి నరేంద్ర మోడీ దేశ ప్రజలకు నూతన సంవత్సర శుభాకాంక్షలు తెలిపారు. 2024 అందరికీ శ్రేయస్సు, శాంతి, అద్భుతమైన ఆరోగ్యాన్ని అందించాలని ఆకాంక్షించారు. ఎక్స్‌లో ట్వీట్ ద్వారా శుభాకాంక్షలు తెలిపిన మోడీ, అంతకుముందు మన్ కీ బాత్‌లో మాట్లాడుతూ, భారత సంపూర్ణ ఆత్మవిశ్వాసంతో ఉందన్నారు. ఆత్మనిర్భరత సాధించడమే కాకుండా అభివృద్ధి చెందిన దేశంగా ఎదిగే స్పూర్తి దేశంలో విరాజిల్లుతోందన్నారు. దీన్ని 2024లోనూ కొనసాగించాలన్న మోడీ, గతేడాది భారత్ సాధించిన విజయాలను ప్రస్తావించారు. ఇదే సమయంలో దేశ పౌరులందరూ శారీరక, మానసిక ఆరోగ్యంపై దృష్టి పెట్టాలని, అందుకోసం 'ఫిట్ ఇండియా' వైపుగా కృష్టి చేయాలన్నారు.