కాంగ్రెస్‌కు బిగ్ షాక్.. బీజేపీలో చేరిన మాజీ సీఎం
దిశ, వెబ్‌డెస్క్: పార్లమెంట్ ఎన్నికల ముందు కర్ణాటక కాంగ్రెస్ పార్టీ కి బిగ్ షాక్ తగిలింది. కర్ణాటక మాజీ ముఖ్యమంత్రి జగదీష్ షెట్టర్ బీజేపీలో చేరారు. ఈ రోజు ఢిల్లీలోని బీజేపీ ప్రధాన కార్యాలయంలో మాజీ సీఎం-పార్టీ సీనియర్ నేత బీఎస్ యడ్యూరప్ప, రాష్ట్ర బీజేపీ అధ్యక్షుడు బీవై విజయేంద్ర సమక్షంలో తిరిగి బీజేపీలో చేరారు. ఆయనకు యడ్యూరప్ప బీజేపీ కండువా కప్పి పార్టీలోకి ఆహ్వానించారు. కాగా ఆయన కర్ణాటక అసెంబ్లీ ఎన్నికల ముందు బీజేపీ ఎన్నికల్లో స్థానం కల్పించలేదనే అసహనంతో బీజేపీని వీడి కాంగ్రెస్ పార్టీలో చేరారు.
కానీ ఆ ఎన్నికల్లో ఆయన ఓటమి పాలయ్యారు. ఈ కారణంగా కాంగ్రెస్ పార్టీలో అతనికి తగిన గుర్తింపు దక్కలేదు. దీంతో ఆయన తిరిగి బీజేపీలో చేరారు. అయితే అసెంబ్లీ ఎన్నికల్లో ఆయన వర్గానికి చెందిన ఓట్ల వల్లే కాంగ్రెస్ పార్టీ పలు నియోజకవర్గాల్లో విజయం సాధించింది. కాగా ప్రస్తుతం ఆయన బీజేపీ పార్టీలో చేరడం తో పార్లమెంట్ ఎన్నికల్లో బీజేపీ కలిసొచ్చే అవకాశం ఉందని రాజకీయ విశ్లేషకులు తెలుపుతున్నారు.
