కర్నాటక ప్రజలు కాంగ్రెస్‌ను నమ్మే పరిస్థితి లేదు: జేపీ నడ్డా

దిశ, డైనమిక్ బ్యూరో: కాంగ్రెస్ పార్టీపై బీజేపీ జాతీయ అధ్యక్షుడు జేపీ నడ్డా సంచలన వ్యాఖ్యలు చేశారు. కర్ణాటక ఎన్నికల ప్రచారంలో పాల్గొ్న్న ఆయన.. కాంగ్రెస్ పార్టీ దేశవ్యాప్తంగా దివాలా తీసిందని ఎద్దేవా చేశారు. చాలా ఎన్నికల్లో కాంగ్రెస్ ఓడిపోతూ వస్తోందని విమర్శించారు. కర్ణాటక ప్రజలు కాంగ్రెస్‌ను నమ్మే పరిస్థితుల్లో లేరని తెలిపారు. కర్ణాటక ఎన్నికల్లో మరోసారి అధికారం దక్కించుకుంటామని ధీమా వ్యక్తం చేశారు. ప్రధాని మోదీ చేస్తున్న అభివృద్ధి పనులు చూసి కర్ణాటక ప్రజలు బీజేపీకే ఓటు వేస్తారని జేపీ నడ్డా పేర్కొన్నారు.