విడాకుల తర్వాత స్పందించిన చైతు.. హ్యాపీగా ఉందంటూ కామెంట్

దిశ, వెబ్‌డెస్క్ : సమంత, నాగచైతన్య విడాకులు తీసుకున్న తర్వాత వారిద్దరి నుంచి ఎలాంటి స్పందన రాలేదు. అయితే తాజాగా నాగచైతన్య చేసిన ట్వీట్ వైరల్ అవుతున్నది. మెగా హీరో సాయిధరమ్ తేజ్ హైదరాబాద్‌లో రోడ్డు ప్రమాదానికి గురైన విషయం తెలిసిందే. కొన్ని రోజుల నుంచి చికిత్స పొందుతూనే ఉన్న హీరో ప్రస్తుతం కోలుకున్నట్టు తెలుస్తోంది. తాను బాగానే ఉన్నట్లు సోషల్ మీడియాలో తేజ్ పోస్ట్ పెట్టాడు. దీంతో ఈ పోస్టుపై నటీనటులు వరుస ట్వీట్స్ చేస్తుండగా.. అక్కినేని హీరో నాగచైతన్య కూడా దీనిపై స్పందిస్తూ సంతోషం వ్యక్తం చేశాడు. నాకు ఇప్పుడు చాలా హ్యాపీగా ఉంది ప్రేమతో అని చైతు ట్వీట్ చేశాడు. అయితే సమంతతో విడాకులు తీసుకున్న తర్వాత నాగచైతన్య చేసిన మొదటి ట్వీట్ ఇదే.