అలాంటి పాత్ర కోసం ఎదురుచూస్తున్నాను : ఆయుష్మాన్ ఖురానా

దిశ, సినిమా: బాలీవుడ్ విలక్షన నటుడు ఆయుష్మాన్‌ ఖురానా గురించి పరిచయం అక్కర్లెదు. విభిన్న కంటెంట్‌ ఉన్న కథలను.. పాత్రాలను ఎంచుకుంటూ.. డిఫరెంట్‌ నటుడిగా నిరూపించుకున్నాడు. ఇక ప్రజంట్ వచ్చిన అవకాశాలను సద్వినియోగం చేసుకుంటున్న ఆయుష్మాన్‌.. తాజాగా ఓ ఇంటర్వ్యూలో మాట్లాడుతూ.. ‘ఇప్పటి వరకు మంచి పాత్రలు ఎన్నో చేశాను. అవన్నీ పాజిటివ్‌ రోల్సే. ‘దమ్‌ లగాకే హయీషా..’లో ప్రకాశ్‌ తివారీ పాత్ర, ‘చండీగఢ్‌ కరే ఆశికీ’లో మన్‌విందర్‌ ఇలా పక్కా పాజిటివ్‌ పాత్రలు ఎన్నో చేశాను.

ప్రేక్షకులు నన్ను బాగా ఆదరించారు. కానీ హార్డ్‌కోర్‌ నెగెటివ్‌ రోల్‌ చేయాలన్నది నా కల. ఇప్పటి వరకు అలాంటి పాత్ర నా దగ్గరికి రాలేదు. వస్తే మాత్రం వదులుకునే ప్రసక్తే లేదు. ‘ధూమ్‌ 3’ లో అమీర్‌ ఖాన్‌ చేసిన నెగిటివ్‌ రోల్‌ నాకు చాలా ఇష్టం. అలాంటి పాత్రలు నాకు ఎప్పుడెప్పుడు వస్తాయా అని ఎదురుచూస్తున్నా’ అని చెప్పుకొచ్చాడు ఆయుష్మాన్‌.