గతంతో యుద్ధం చేస్తున్న హీరోయిన్

దిశ, సినిమా : వాస్తవాన్ని వెంటాడుతూ గతం చేసిన యుద్ధమే ‘వీరఖడ్గం’ సినిమా అన్నారు డైరెక్టర్ ఎం.ఎ.చౌదరి. హీరోయిన్ సృష్టి డాంగే ప్రధానపాత్రలో తెరకెక్కిన ఈ సినిమాను వివివి ప్రొడక్షన్స్ పతాకంపై కె. కోటేశ్వరరావు నిర్మించారు. కాగా ఈ నెల మూడో వారంలో విడుదల చేసేందుకు సన్నాహాలు చేస్తు్న్నట్లు తెలిపారు మేకర్స్. ఈ సందర్భంగా మాట్లాడిన డైరెక్టర్.. ‘చరిత్ర శిథలమైనా, దాని మూలాలు ఎక్కడో ఒక చోట మిగిలే ఉంటాయి. పగ కూడా అంతే.

ఒక మనిషిని నాశనం చేయాలనుకుంటే ఎన్ని జన్మలైనా సరే దాన్ని సాధించే వరకు మనిషి జీవితం మసి అయినా, ఆ శవమే మృగమై వెంటాడుతుంది. వాస్తవాన్ని వెంటాడుతూ గతం చేసిన యుద్ధమే ఈ ‘వీరఖడ్గం’. గ్రాఫిక్స్‌కు ప్రాధాన్యత ఉన్న చిత్రమిది. నిర్మాత కోటేశ్వర‌రావు , లైన్ ప్రొడ్యూస‌ర్ సునీల్ కుమార్ ఎక్కడా కాంప్రమైజ్ కాకుండా సినిమాను గ్రాండ్‌గా నిర్మించారు. షాయ‌క్ ప‌ర్వేజ్ మంచి సంగీతాన్ని స‌మ‌కూర్చాడు. మార్చి మూడో వారంలో సినిమాను గ్రాండ్‌గా రిలీజ్ చేయ‌డానికి ప్లాన్ చేస్తున్నాం’ అని తెలిపారు.