కాంగ్రెస్ ప్రభుత్వం ఏర్పడిన ఏడాది కాలంలోనే రాష్ట్రం అభివృద్ధిలో దూసుకుపోతుంది.. వజ్రేష్ యాదవ్
దిశ, మేడ్చల్ టౌన్ : కాంగ్రెస్ ప్రభుత్వం ఏర్పడిన ఏడాది కాలంలోనే రాష్ట్రం అభివృద్ధిలో దూసుకుపోతుందని మేడ్చల్ నియోజకవర్గ ఇన్చార్జి తోటకూర వజ్రేష్ యాదవ్ అన్నారు. సోమవారం కాంగ్రెస్ నాయకులతో కలిసి వజ్రేష్ యాదవ్ విలేకరుల సమావేశం ఏర్పాటు చేశారు. ఈ సందర్భంగా వజ్రేష్ యాదవ్ మాట్లాడుతూ మంగళవారం మేడ్చల్ జిల్లా వ్యవసాయ మార్కెట్ కమిటీ కార్యాలయం ప్రారంభోత్సవానికి వ్యవసాయ శాఖ మంత్రి తుమ్మల నాగేశ్వరరావు, ఐటీశాఖ మంత్రి దుద్దిళ్ల శ్రీధర్ బాబు, ఎమ్మెల్సీ మహేందర్ రెడ్డిలు విచ్చేస్తున్నారని తెలిపారు.
ఈ కార్యక్రమాన్ని నాయకులు, కార్యకర్తలు అధిక సంఖ్యలో పాల్గొని విజయవంతం చేయాలని పిలుపునిచ్చారు. ఈ కార్యక్రమంలో జిల్లా మార్కెట్ కమిటీ అధ్యక్షుడు నర్సింహులు, జిల్లా గ్రంథాలయ చైర్మన్ శ్రీనివాస్ రెడ్డి, గుండ్లపోచంపల్లి మున్సిపాలిటీ అధ్యక్షుడు సాయిపేట శ్రీనివాస్, మార్కెట్ కమిటీ డైరెక్టర్లు దుర్గం శంకర్ ముదిరాజ్,రేగు రాజు యాదవ్,వైస్ చైర్మన్ చీర్ల రమేష్,కౌన్సిలర్ రాజు ముదిరాజ్,యువ నాయకుడు ఆకాష్, తదితరులు పాల్గొన్నారు.
