ట్విన్స్‌ హీరోలుగా సరికొత్త చిత్రానికి శ్రీ‌కారం చుట్టిన TSR మూవీ మేకర్స్!
దిశ, సినిమా: నూతనంగా ప్రారభించిన టీఎస్‌ఆర్ మూవీ మేకర్స్ బ్యానర్‌లో ప్రొడక్షన్ నం.1 గా సరికొత్త చిత్రానికి శ్రీ‌కారం చుట్టారు నిర్మాత తిరుపతి శ్రీనివాసరావు. ఈ సంద‌ర్భంగా మూవీ ఫ‌స్ట్ లుక్ విడుద‌ల చేయగా.. నిజ జీవితంలోనూ కవలలుగా పుట్టిన రామ‌కృష్ణ, హ‌రికృష్ణ చిత్రంలో హీరోలుగా నటిస్తున్నారు. ఈ సంద‌ర్భంగా మాట్లాడిన ప్రొడ్యూసర్.. 'టాలీవుడ్ ఇండ‌స్ట్రీలో మాకంటూ ఓ స్థానం ఏర్పరుచుకునేందుకు టీఎస్‌ఆర్ మూవీ మేకర్స్ సంస్థను ప్రారంభిస్తున్నాం. మా పిల్లలు రామ‌కృష్ణ, హ‌రికృష్ణ ఇద్దరినీ ఈ సినిమాతో ఇండస్ట్రీకి ప‌రిచ‌యం చేస్తున్నాం. ప్రజలు మమ్మల్ని ఆద‌రించాల‌ని కోరుకుంటున్నా. మా మూవీకి సపోర్ట్‌గా నిలిచిన మాస్టర్ మాన్ బద్రీకి కృతజ్ఞతలు' అని చెప్పాడు. అలాగే శ్రీనివాస రావు కొడుకులిద్దరూ న‌టులుగా త‌మ‌కంటూ ఓ స్థానం సంపాదించుకోవాలని బద్రీ కోరుకోగా.. ఈ మూవీ సూప‌ర్ హిట్ కావాలని కుప్పిలి శ్రీనివాస్, కోటేశ్వరరావు తదితరులు చిత్రయూనిట్‌కు శుభాకాంక్షలు తెలిపారు.
ఇవి కూడా చదవండి : 'అనగనగా కథలా'.. పసలపూడి చిత్రానికి టైటిల్ ఫిక్స్!
