‘ఓదెల రైల్వే స్టేషన్’ లో మిల్క్ బ్యూటీ తమన్నా?

దిశ, సినిమా: టాలీవుడ్ మిల్క్ బ్యూటీ తమన్నా భాటియా గురించి సుపరిచితమే. అగ్ర హీరోల సరసన నటించి ఎంతటి క్రేజ్ సంపాదించుకుందో స్పెషల్ గా చెప్పాల్సిన అవసరం లేదు. కేవలం హీరోయిన్ రోల్స్ మాత్రమే కాకుండా.. ఇతర కీలక పాత్రల్లోనూ నటించింది. అలాగే పలు ఐటెమ్స్ సాంగ్స్‌లో కూడా స్టెప్పులేసింది. ప్రస్తుతం ఈ బ్యూటీ భాషతో సంబంధం లేకుండా వరుస చిత్రాలు. వెబ్ సిరీస్‌లు చేస్తూ.. ఫుల్ బిజీగా గడిపేస్తుంది. తన నటనతో ప్రేక్షకులను కట్టిపడేస్తుంది. ఇండస్ట్రీకి వచ్చి ఇన్నేళ్లైన తమన్నా క్రేజ్‌తో పాటు అందం ఏ మాత్రం తగ్గలేదు. ఎప్పుడు చూసినా కుర్ర హీరోయిన్‌లా యవ్వనంగా మెరిసిపోతుంది.

ఇప్పటికే డిఫరెంట్ సినిమాల్లో నటిస్తూ తన సత్తా చూపిస్తున్న మిల్క్ బ్యూటీ.. తాజాగా మరో డిఫరెంట్ సినిమాలో నటించడానికి అంగీకరించింది. అన్నీ తానే అయి చూసుకున్న దర్శకుడు సంపత్ నంది ‘ఓదెల రైల్వే స్టేషన్’ అనే సినిమాను సీక్వెల్ ప్లాన్ చేస్తున్నారట. అశోక్ తేజ దర్శకత్వం వహించినప్పటికీ.. సంపత్ నంది సినిమా పనులన్నీ దగ్గరుండి చూసుకున్నారు. కరోనా కారణంగా అప్పట్లో ఈ చిత్రాన్ని థియేటర్లలోకి రాకుండా.. నేరుగా ఓటీటీలోనే విడుదలైంది. కానీ ఈ సినిమాకు ప్రేక్షకుల ఆదరణ దక్కింది. ప్రస్తుతం ఈ మూవీకి సీక్వెల్ ప్లాన్ చేస్తున్నారట. కాగా హీరోయిన్ హెబ్బా పటేల్ ప్లేస్ లో తమన్నా భాటియాను తీసుకోవాలనుకుంటున్నారట. అందుకు ఈ మిల్క్ బ్యూటీ కూడా గ్రీన్ సిగ్నల్ ఇచ్చినట్లు సమాచారం. అంతేకాదు సంపత్ నందినే స్వయంగా ఈ సినిమాను డైరక్ట్ చేయాలనుకుంటున్నారట.

సంపత్ నంది దర్శకత్వంలో.. తమన్నా.. సీటీమార్, బెంగాల్ టైగర్, రచ్చ లాంటి సినిమాలు చేసింది. కాగా ఈ దర్శకుడిపై నమ్మకంతో ‘‘దెల రైల్వే స్టేషన్’’ సీక్వెల్ లో నటించేందుకు ఒప్పుకుందట. ఇందులో మిల్క్ బ్యూటీ ఇంకాస్త బోల్డ్‌గా కనిపిస్తుందని సమాచారం. అంతేకాదు ఈ బ్యూటీ మేకప్ లేకుండా నటిస్తుందట. హెబ్బా స్థానంలో తమన్నా నటిస్తుందని తెలియగానే ఈ సినిమా కోసం ప్రేక్షకులు మరింత ఆత్రుతగా ఎదురు చూస్తున్నారు.