తెలుగులో రజనీకాంత్ మూవీని పట్టించుకోవడం లేదా?

దిశ, సినిమా: స్టోరీ ఎలా ఉన్నప్పటికీ కొంత మంది స్టార్ హీరోల సినిమాలు అంటే పడి చచ్చిపోతారు జనాలు. అలాంటి హీరోలలో రజనీకాంత్ ఒక్కరు. ఆయన స్టైల్ చూడడానికైనా థియేటర్లో ప్రేక్షకులు క్యూ కడతారు. అలా భాషతో సంబంధం లేకుండా కోట్లలో అభిమానులను సంపాదించుకున్నాడు తలైవా. కానీ ఎంత అభిమానులు అయినా అస్తమానం ఫెయిల్యూర్‌ను తీసుకోవడం అంటే కష్టమే కదా. రజనీ భారీ హిట్ కొట్టి చాలా కాలమే అయింది. వరుస చిత్రాలు తీస్తున్నప్పటికీ అంతగా ఆకట్టుకోలేకపోతున్నాడు. దీంతో ఇప్పుడు రజనీ లేటెస్ట్ మూవీ ‘జైలర్’ సమస్యలో పడినట్లుగా కనిపిస్తుంది. ఎందుకంటే ఒకప్పుడు రజనీకాంత్ మూవీ తెలుగులో డబ్బింగ్ చేస్తే.. పాతిక కోట్ల దాకా బిజినెస్ చేసేది. కానీ ఇప్పుడు ‘జైలర్’ మూవీ రూ.11 కోట్లు చేస్తున్నా ఎవరు ముందు రావట్లేదు. రజనీ ఈ మూవీతో అయిన హిట్ అందుకుంటాడా లేదా? అనేది చూడాలి మరి.