'అనగనగా కథలా'.. పసలపూడి చిత్రానికి టైటిల్ ఫిక్స్!

దిశ, సినిమా: దర్శకుడిగా తన తొలి చిత్రం 'ఏ చోట నువ్వున్నా'తో మంచి గుర్తింపు తెచ్చుకున్న పసలపూడి ఎస్.వి తాజాగా రెండో చిత్రం అప్‌డేట్ ఇచ్చాడు. ఉపేంద్ర కంచర్ల హీరోగా తెరకెక్కించబోతున్న తన తదుపరి సినిమాకు 'అనగనగా కథలా' అనే టైటిల్ ఫిక్స్ చేసినట్లు తెలిపాడు. ఇక ఎస్.ఎస్.ఎల్.ఎస్ క్రియేషన్స్ పతాకంపై ప్రొడక్షన్ నంబర్ 4గా కంచర్ల అచ్యుత్ రావు నిర్మిస్తున్న ఈ సస్పెన్స్ థ్రిల్లర్‌లో శుభ శ్రీ, నేహాదేశ్ పాండే హీరోయిన్లుగా నటిస్తున్నట్లు తెలిపిన పసలపూడి.. 'తెలుగు సినిమా రంగంలో తనకంటూ తిరుగులేని స్థానం సంపాదించుకోవాలనే సంకల్పం కలిగిన ఉపేంద్ర హీరోగా ఈ చిత్రం రూపొందించే అవకాశం రావడం అదృష్టంగా భావిస్తున్నా. సస్పెన్స్ అండ్ థ్రిల్లింగ్ లవ్ స్టొరీగా రూపొందుతున్న ఈ చిత్రం కూడా మాకు మంచి పేరు తెస్తుందనే నమ్మకముంది' అన్నారు. కాగా ఈ చిత్రానికి కుమార్ పిచ్చుక మాటలు, తరుణ్ రాణా ప్రతాప్ సంగీతం అందిస్తున్నారు.

ఇవి కూడా చదవండి : ట్విన్స్‌ హీరోలుగా సరికొత్త చిత్రానికి శ్రీ‌కారం చుట్టిన TSR మూవీ మేకర్స్!