ట్రెడిషనల్ లుక్‌లో కుర్రాళ్లను కట్టిపడేస్తున్న నేహా శెట్టి.. పిక్స్ వైరల్
దిశ, సినిమా: యంగ్ బ్యూటీ నేహా శెట్టి ఆకాశ్ పూరి నటించిన ‘మెహబూబా’ మూవీతో ఎంట్రీ ఇచ్చినప్పటికీ సిద్దు జొన్నలగడ్డ డీజే టిల్లు సినిమాతో ఫుల్ పాపులారిటీ దక్కించుకుంది. ఈ చిత్రంలో తన నటనకు ఎంతో మంది మంత్ర ముగ్ధులయ్యారు. డీజే టిల్లు హిట్ అందుకున్న తర్వాత నేహా శెట్టి ఓవర్ నైట్ స్టార్‌గా మారిపోయిందనడంతో ఎలాంటి అతిశయోక్తి లేదు. ప్రస్తుతం ఈ అమ్మడు టాలీవుడ్ ఇండస్ట్రీలో వరుస ఆఫర్లు అందుకుంటూ క్రేజీ బ్యూటీగా మారిపోయింది.
చేతినిండా సినిమాలతో ఫుల్ జోష్‌తో దూసుకెళ్తుంది. ప్రస్తుతం విశ్వక్ సేన్ గ్యాంగ్ గోదావరి మూవీలో హీరోయిన్‌గా నటిస్తోంది. ఈ సినిమా మార్చి 8 థియేటర్స్‌లో విడుదల కానుంది. ఈ క్రమంలో నేహా శెట్టి వరుస ఫొటో షూట్స్ చేస్తూ కుర్రాళ్లకు ట్రీట్ ఇస్తుంది. తాజాగా, ఈ అమ్మడు చీరకట్టి సంప్రదాయంగా ఉన్న ఫొటోలు షేర్ చేసింది. ఇక వాటిని చూసిన వారంతా మోడ్రన్ డ్రెస్‌లో కంటే చీరలోనే మరింత అందంగా ఉందంటూ తెగ పొగిడేస్తున్నారు. ప్రస్తుతం నేహాశెట్టి పిక్స్ నెట్టింట చక్కర్లు కొడుతున్నాయి.
