విజయ్‌తో డ్యాన్స్ అనగానే గుండెల్లో దడ పుట్టింది: మీనాక్షి చౌదరి

దిశ, సినిమా: ప్రస్తుతం టాలీవుడ్ హీరోయిన్ మీనాక్షి చౌదరి వరుస ఆఫర్లతో దూసుకుపోతుంది. రీసెంట్‌గా తెరకెక్కిన సూపర్ స్టార్ మహేష్ బాబు ‘గుంటూరు కారం’ చిత్రంలో నటించి.. ప్రేక్షకులను మెప్పించింది. తాజాగా ఈ అమ్మడు తమిళ స్టార్ హీరో దళపతి విజయ్ నటిస్తోన్న ‘ది గ్రేటెస్ట్ ఆఫ్‌ఆల్ టైం’ అనే సినిమాలో అవకాశం దక్కించుకుంది. తాజాగా మీనాక్షి ఓ ఇంటర్వ్యూకు హాజరై.. ‘ విజయ్‌తో కలిసి నటించడం చాలా హ్యాపీగా ఉంది. నేను ఆయనకు వీరాభిమానిని. విజయ్ షూటింగ్ సమయంలో ఎవరితో ఎక్కువగా మాట్లాడరు. చాలా కూల్‌గా ఉంటారు. ఈ హీరోతో కలిసి నటించడం నాకు సరికొత్త ఎక్స్‌పీరియన్స్. కానీ ఈ విజయ్‌తో కలిసి డాన్స్ ఉంటుందని ఓ రోజు దర్శకుడు వెంకట్ ప్రభు చెప్పగానే నాకు గుండెల్లో దడ పుట్టింది. ఎందుకంటే ఆయన మంచి డాన్సర్’. అంటూ మీనాక్షి చౌదరి వెల్లడించింది. ప్రస్తుతం ఈ బ్యూటీ కామెంట్స్ నెట్టింట వైరల్ అవుతున్నాయి.