తిరుమల శ్రీవారిని దర్శించుకున్న హన్సిక

దిశ, సినిమా: యంగ్ బ్యూటీ హన్సిక అందరికీ సుపరిచితమే. ఈ అమ్మడు తెలుగులో అల్లు అర్జున్ దేశముదురు సినిమాతో టాలీవుడ్ ఇండస్ట్రీకి పరిచయం అయింది. ఆ తర్వాత పలు చిత్రాల్లో నటించి స్టార్ హీరోయిన్‌గా రాణిస్తోంది. కానీ కెరీర్ పీక్స్‌లో ఉండగానే పెళ్లి చేసుకుంది. ఈ ఏడాది 105 మినిట్స్ మూవీతో ప్రేక్షకుల ముందుకు వచ్చింది.

తాజాగా, హన్సిక తన కుటుంబంతో ఆదివారం తిరుమల శ్రీవారిని దర్శించుకుంది. స్వామి వారికి మొక్కులు చెల్లించుకుంది. ఆ తర్వాత ఆలయ అధికారులు ఆమెను పట్టు వస్త్రంతో సత్కరించారు. అయితే హన్సిక చూసిన అభిమానులు ఫొటోలు దిగేందుకు ఎగబడ్డారు. కానీ హన్సిక మాత్రం పెద్దగా ఆసక్తి చూపించకుండా తల వంచుకుని వేగంగా కారు వద్దకు వెళ్ళిపోయింది. దీంతో ఫ్యాన్స్ ఆమెకు ఏమైంది అలా చేసిందని అయోమయంలో పడిపోయారు.